33.8 C
Manila
Friday, March 29, 2024

Cebu: Upat ka mga membro sa gituuhang dako nga KFR group napatay sa mga otoridad; 70 anyos nga biktima na rescue

- Advertisement -

Cebu City – Patay ang upat ka mga Chinese national nga suspetsado sa pag kidnap sa usa ka negosyanting chinese, atol sa operation sa mga otoridad sud sa usa ka subdivision sa Barangay Bankal, Syudad sa Lapu-Lapu, Lunes sa gabii, Mayo 30, 2022.

Sa interview ni Lapu-Lapu City Mayor Chan sa DYKC Karambolang Bisaya, gibutyag niini nga misukol  ug nakig pinusilay sa mga sakop sa Anti-Kidnapping Group ug Lapu-Lapu City Police ang upat ka mga Chinese national.

Ang biktima usa ka 70 anyos nga negosyante, kinsa usa ka diabetic, na rescue ug nadala sa tambalanan human sa lima ka adlaw nga pagkidnap niini niadtong Mayo 25.

Gibutyag ni Chan nga ang biktima nagpoyo sa syudad sa Sugbo ug didto nahitabo ang pagkidnap niini.

Gisaysay sa mayor nga na monitor sa mga otoridad nga nagbalhin balhin sa ilang nahimutangan ang upat ka mga suspek, dala ang biktima gikan sa lain-laing barangay sa syudad, sa wala pa kini mapatay didto sa barangay Bankal.

Girescue gikan ang biktima sud sa usa ka gamay nga cage o tangkal nga didto gibutang sud sa comfort room sa balay.

Kini maoy ikaduhang higayon nga na rescue ang usa ka Chinese nationa sa syudad sa Lapu-Lapu niining buwana.

Niadtong Mayo 6, naluwas sa mga otoridad ang usa ka lalakeng biktima gikan sa mga sakop sa giingong kidnap for ransom group nga nagbase sa Manila.

Gihulagway sa mayor nga dako ang maong grupo sa KFR nga nagbase sa kaulohan ug gituuhang nahutdan na ug pondo gumikan sa pagpahunong sa mga sugal hinungdan nga mihimo sa pagpangidnap.

l via Jhon Tadlip

Source/Photo: Interview with Lapu-Lapu City Mayor Junard Chan over DYKC Karambola Bisaya

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -