Cebu City – Gi imbestigahan karon pagsuta sa hinungdan sa pagka hagsa sa daan nga Clarin Bridge sa lungsod sa Loay, Bohol, nga misangpot sa kamatayon sa upat ka indibidwal, lakip na sa usa ka turista, Miyerkules, Abril 27, 2022.
Matod pa sa Provincial Government sa Bohol, basi sa inisyal nga report gikan sa Department of Pubic Works and Highways (DPWH), nahagsa ang tulay posibling gumikan sa ‘overloading.’
“According to Engr. Magiting Cruz of the DPWH, the possible cause why the bridge collapsed was because the bridge is only for flowing traffic. Ang nahitabo kay na stationary ang traffic,” pahibaw ni ni Bohol Gov. Art Yap sa usa ka video message.
“And there were a lot of vehicles on the bridge and the bridge could not
take the weight. That’s the reason why it collapsed,” dugang ni Yap.
Sa labing uwahing report gikan sa local government sa Bohol ug munisipalidad sa Loay, nagpakita nga dunay 12 ka mga sakyanan nga naapil pagka tagak ug naunlod human sa pagka hagsa sa Clarin Bridge alas 4:10 sa kagahapon sa hapon.
Gibutyag ni Yap ug Loay Mayor, Atty. Hilario Ayuba, nga sa 12 ka mga sakyanan nga naunlod, tulo ang four-wheeled, usa ka dump truck, tulo ka tricycle ug duha ka motorcycle.
Gibutyag ni Yap ug Loay Mayor, Atty. Hilario Ayuba, nga mi shift na sila sa search ug retrieval operations pasado alas 8 kagabii, apan temporaryong gipahunong pasado alas 11 sa gabii pagsiguro sa safety sa mga rescue group.
“On our third dive, around 8:30 p.m, we have around 10 to 15 divers who participated but a few minutes ago they finished, terminating all operations because of the strong rain, and water’s too murky, and the current too strong,” pasabot ni Yap.
Gipadayon ang operations Hwebes sa buntag, Abril 28.
Gipahibaw ni Ayuban nga wala pay nakita ang mga divers ug rescuers nga lawas nga na trap sa naunlod nga mga sakyanan dool sa nahagsa nga tulay.
“Mag-ampo kita nga wala na untay tawo nga nahibilin o’ na trapped sa ilawm sa suba,” awhag ni Ayuban.
Nailhan na sa mga otoridad ang mga nakalas ug naluwas sa trahedya.
Ang upat ka mga indibidwal nga namatay naglakip sa Austrian tourist.
Dali silang gidala sa labing dool nga tambalanan apan gideklara kini nga dead on arrival sila Michael Oushan gikan sa Austria; Arnes Silos sa Dauis Bohol; Emilia Gemina Gemina gikan sa Villalimpia Bohol ug Epifania Onada sa Tagbilaran City Bohol.
Nagkanayon si Yap nga ila nang gipahibaw ang Austrian Embassy sa Manila labot sa kamatayon sa usa sa ilang citizen.
Gipasalig sab sa gobernador nga motonol ang provincial ug local government sa ilang tabang in-kind ug financial ngadto sa mga biktima ug survivors sa trahedya. (Jhon Tadlip)
(Source: Bohol Provincial Government thru Gov. Art Yap, photos courtesy by Lahar Boyet Ayuban | Condrado Lagumbay Jr.)