Napalgan sa usa ka managat ang usa ka underwater glider samtang kini nadagat sa kadagatan sa probinsya sa Bohol, niadtong niaging adlaw.
Sumala sa testimonya sa mananagat, iyang gipili nga dili kuhaon ang maong kagamitan tungod sa kahadlok ug kakulang sa kahibalo bahin niini. Ang underwater glider usa ka klase sa autonomous underwater vehicle nga gigamit alang sa panukiduki sa kadagatan.
Kini kasagarang gamiton sa pagmonitor sa mga datos sama sa temperatura, salinity, ug water current sa dagat. Dugang pa, gigamit kini sa militar alang sa pagpaniid ug sa mga institusyon alang sa mga siyentipikong pagtuon.
Ang kagamitan nagalihok gamit ang buoyancy ug pagbalanse sa gibug-aton niini, nga nagpadagan niini nga walay tabang sa propeller o motor.
Sa pagkakaron, padayon ang imbestigasyon sa mga awtoridad aron matino kung kinsa ang tag-iya sa maong underwater glider ug unsa ang tumong sa pagbutang niini sa nasudnong kadagatan. Posible nga kini gigamit sa usa ka military surveillance mission o panukiduki sa kalikupan.
Ang mga otoridad nagpahinumdom sa publiko nga kung makakita sila og susamang kagamitan, kinahanglan kining ireport dayon sa mga awtoridad ug dili hilabtan aron malikayan ang posibleng peligro ug mahatagan kini og husto nga pag-atiman.
Ang maong insidente nagdala og mga pangutana bahin sa seguridad ug kalinaw sa nasudnong kadagatan. Gipaabot nga ang resulta sa imbestigasyon makatubag sa mga pagduha-duha ug makasiguro sa proteksyon sa teritoryo sa Pilipinas. (Renante Socia Lada)
(Source: Philippines Defense Forum)