Nakuha lang sa 35 minutos nga biyahe sa eroplano atol sa inaugural commercial flight gikan sa Mactan Island padung sa Bantayan Island Airport.
Nitugpa kini sa Isla pasado alas 8:36 sa buntag, Agosto 28, 2025, diin kung regular nga land trip mo abot kini ngadto sa unom ka oras.
Kini maoy maghatag sa mga bisita ug mas taas nga oras sa pag tagamtam ug paglingaw sa gidalit nga Tourism sights ug experience sa Isla sa Bantayan.
Ang naasoy nga eroplano adunay 72-seaters twin-engine turboprop aircraft na mobiyahi kaduha sa usa ka semana sa adlaw nga Biyernes ug Dominggo.
“We’ve intentionally set the fare at P888 to ensure that everyone, including those who work tirelessly to make a living, can benefit from this opportunity. It’s about making travel to Bantayan Island accessible to all,” matod ni Cebu Gov. Gwen Garcia. (Renante Lada and Eli Espina Renante)