Duha ka ospital nga gipadagan sa Capitol sa southern Cebu ang nag-host og dako nga surgical missions niadtong Enero 24-25, nga nagpakita sa paningkamot sa Cebu Provincial Government nga dalhon ang kalidad nga serbisyo sa healthcare duol sa komunidad.
Sa Badian District Hospital, gihimo ang ophthalmologic surgical mission nga naghatag og libreng cataract ug pterygium surgeries, nga gipangulohan ni Congresswoman Dr. Patsy Calderon. Samtang sa MJ Cuenco Memorial Hospital sa Malabuyoc, gihimo ang ilang unang major general surgical mission sukad sa pag-establisar sa ospital, usa ka kalambuan sa pasilidad.
Ang Malabuyoc mission naglakip og mga operasyon sama sa gallstone removal, hernia ug goiter surgeries, ug ubang minor procedures. Gipangulohan kini ni Dr. Gabriel Villa, uban ang suporta sa Kaambag Team ni Dr. Helen Madamba ug anesthesiology team ni Dr. Armie Jane Uy-Clarit, kauban ang Cebu South Medical Center.
Matod ni Dr. Nikki Catalan, Capitol Piso Public Health consultant, nagpakita kini sa dedikasyon sa probinsya sa paghatag og essential health services labi na sa mga lugar nga kulang sa serbisyo. Gidayeg usab niya ang tanang healthcare workers ug mga partners, lakip ang 16 Chiefs of Nurses ug operating room team sa Cebu Provincial Hospital–Carcar.
Gipadayag ni Dr. Catalan nga samtang natubag ang immediate health needs, kabahin kini sa mas lapad nga plano aron palig-onon ang sistema sa healthcare sa probinsya, nga naglaum nga sa umaabot dili na kini kinahanglan kung lig-on na ang mga ospital ug sistema sa panglawas.
Ang update sa resulta sa twin surgical missions gilauman sa mga musunod nga adlaw.
Source: Cebu Province PIO
I via Renante Socia Lada