Ang Pilipino Community sa New Jersey, USA nakatigom og ₱360,000 isip tabang alang sa mga biktima sa baha nga miigo sa Cebu niaging tuig.
Personal nga gitunol ni Mario Go ang tseke sa donasyon kang Gobernadora Pamela Baricuatro atol sa iyang pagbisita sa Cebu Provincial Capitol. Matod ni Go, ang maong fundraising gipangulohan sa iyang igsoon nga si Henry Go ug sa asawa niini nga si Menchu Go, uban ang tabang sa Jersey Shore Athletic Group.
Gipasalamatan sa Gobernadora ang Go brothers ug ang tibuok Pilipino Community sa New Jersey tungod sa ilang tabang ug pagpakabana sa mga Sugboanon nga naapektuhan sa baha.
Gipasalig usab ni Gov. Baricuatro nga ang tibuok kantidad sa donasyon gamiton gyud aron matabangan ang mga biktima sa baha sa pagbangon ug pag-usab sa ilang kinabuhi.
Source: Cebu Province PIO
I via Renante Socia Lada