Nabugtuan sa kinabuhi ang usa ka pag umangkon human giunay sa pagtigbas sa iya mismong uyuan.
Ang krimin nahitabo kagahapon sa buntag, Oktobre 1, 2023, didto sa lungsod sa Alegria, probinsya sa Sugbo.
Ang biktima giila sa Alegria Police Station nga mao si Eduardo Tan Bequilla, 44 anyos ang panuigon, menyo, ug residenti sa Sitio Sangi, Barangay Madridejos, sa mao ra nga lungsod.
Giila usab ang suspetsado nga uyuan nga mao si Edgardo Seno Flores, 58 anyos, nagpuyo rapud sa maong lugar.
Sa inbestigasyon sa kapulisan nasayran nga nasuko pag ayo ang uyuan sa iyang pag umangkon human nga wala kini nibayad sa ilang sabot nga balayrunon sa pagpa survey sa bahin nga yuta.
Sa kasuko nikuha kini og hinagiban og iyang gitigbas si Bequilla og namatay.
Sa pagkakaron giandam na ang tukmang kaso batok sa suspetsado nga uyuan kinsa niunay pagpatay sa iyang pag-umangkon. (Renante Socia Lada)
