Usa ka public school teacher ug ang iyang duha ka kauban ang nasikop sa kapulisan atol sa buy-bust operation nga gipahigayon sa Brgy. Poblacion Occidental, Consolacion, Cebu sa alas-12:30 sa kaadlawon sa Pebrero 21, 2025.
Ang maong operasyon, nga gipangunahan sa Consolacion Municipal Police Station (MPS) ug Philippine Drug Enforcement Agency – Region 7 (PDEA-7), target sa pagdakop mao si Jedeestel Luvite Pernito, 50-anyos, usa ka public school teacher ug residente sa Poblacion Occidental. Kauban niyang nadakpan ang duha pa ka mga suspetsado:Jerom Casipong Nuevo, 23-anyos, single, walay trabaho, ug lumulopyo sa Brgy. Cansaga, ug Clint Cuyos Gersale, 25-anyos, single, walay trabaho, ug lumulopyo sa Brgy. Cansaga, sa mao ra nga lungsod.
Sa maong operasyon, nasakmit ang 30 gramos nga shabu nga may kantidad nga ₱204,000, lakip ang buy-bust money ug uban pang ebidensya.
Ang tulo ka suspetsado kasamtangang gitanggong sa Consolacion MPS samtang padayon ang imbestigasyon, ug ang nakuhang ilegal nga drogas ipailawom sa forensic examination sa Cebu Provincial Forensic Unit, Northern Cebu Satellite Forensic Office sa Danao City.
📸 Consolacion Police Station
I via Renante Socia Lada