Sa Disyembre 30, 2024, sa alas 1:00 sa kaadlawon, usa ka sunog ang niigo sa Purok Nangka, Barangay Ilihan, Tabogon, Sugbo, nga nagresulta sa pagkamatay sa inahan nga si Mylene Tul-id Lubanga ug sa iyang 7-anyos nga anak.
Basi sa imbestigasyon sa kabomberohan ang sunog nagsugod tungod sa brownout sa maong lugar ug ang biktima nigamit og kandila nga wala na bantayan.
Bisan pa nga nakagawas na unta ang inahan, mibalik siya aron kuhaon ang iyang anak nga anaa pa sa sulod sa balay. Wala sila makagawas nga buhi gumikan sa kadako na sa kalayo.
Sa pagkakaron dugang imbestigasyon ang gihimo sa Tabogon Fire Station aron pagsuta sa maong sunog ug pila ang danyos niini.
Ang insidente nagpamatuod sa kahinungdanon sa pag-amping sa paggamit sa kandila ug sa pag-andam sa mga emergency nga kahimtang. (Renante Socia Lada)