Nikutlo og tulo ka kinabuhi ang panagbangga sa duha ka motorsiklo didto sa National Road, Transcentral Highway, Barangay Gaas, lungsod sa Balamban, Probinsya sa Sugbo.
Sabado sa buntag, Septembre 16, 2023, nahitabo ang disgrasya sa maong lugar diin puros wala nay kinabuhi nga niabot sa tambalanan ang mga biktima.
Ang mga nakalas giila sa Balamban Police Station nga sila si George Untalan, 54 anyos ang panuigon, taga kauluhan; Dominador Bragat Jr., 34 anyos, taga Basak San Nicolas, siyudad sa Sugbo; ug Kate Ponce, hingkod ang pangidaron.
Sa inbestigasyon sa Balamban Police Station nga ang duha ka mga motorsiklo nagbiya sa managlahing direction.
Diin sa pag abot na nila sa naasoy nga lugar ni over take si Untalan nga ni resulta sa ilang panagbangga.
Sa kakusog sa dagan puros sila nakaangkon sa grabing kadaot sa lawas na maoy hinungdan sa ilang kamatayon. (Renante Socia Lada, photo credits to the owner)