Wala nagdugay sa tambalanan nabugtuan sa iyang kinabuhi ang usa ka tricycle driver human gidunggab sa PWD.
Didto kini nahitabo sa Barangay Poblacion, lungsod sa Sibonga, Sugbo, pasado alas 6:00 kaganihang buntag, Agosto 6, 2024.
Ang biktima giila sa Sibonga Police Station na mao si Algie Miranda Rama, 37 anyos ang panuigon, menyo, residenti sa Purok 2, Brgy. Bahay, lungsod sa Sibonga, Sugbo.
Naila usab ang suspetsado nga mao si Amado Villasan, 37 anyos, caroller, person with disability, ug taga Brgy. Kangdampas, lungsod sa Barili, Sugbo.
Sa imbestigasyon sa kapulisan nasayran nga samtang natulog ang biktima sa iyang tricycle gidunggab kini sa kaduha ka higayon nga naigo sa iyang tiyan.
Daling nihimo og hot pursuit operation ang kapulisan nga ni resulta sa pagkasikop sa suspetsado.
Sa pamahayag sa suspetsado nga si Villasan nga iyang gituhuan nga si Rama maoy nikuha sa iyang ukelele ug P3,000.00 nga kwarta.
Sa kalagot gidunggab kini gamit ang gunting na maoy hinungdan sa iyang kamatayon.
Sa pagkakaron giandam na sa kapulisan ang kasong murder batok sa PWD na suspetsado. (Renante Lada & Ting Joe Pepito)
(Source: Sibonga Police Station)