Cebu City – Parehong mopatuman ang Syudad sa Sugbo ug Lapu-Lapu sa ilang “non-obligatory” wearing og face mask sa open spaces sa ilang tagsa tagsa ka territorial jurisdiction.
Si Lapu-Lapu City Mayor Junard “Ahong” Chan gitakda nga mo adopt sa executive order (EO) ni Cebu City Mayor Michale Rama mahitungod sa “non-obligatory” nga pagsul-ob sa face mask.
Matod ni Chan nga mo issue siya ug executive order “soonest possible time” o sa higayon nga maka dawat na kini ug kopya sa EO ni Rama.
Unang gi anunsyo sa Syudad sa Sugbo kagahapon, Agosto 30, 2022 ang ilang plano nga mag libkas sa mandatory wearing of face mask sa open spaces.
Sa ilang post sa Public Information Office (PIO) official facebook page, nagpahibaw nga nakig tagbo si Rama sa mga kadagkuan sa City Hall aron pag discuss kung unsaon ang safe ug efficient nga pagpatuman sa proposal.
Ang maong tigom naglakip sa pag draft sa EO nga maglatid sa provisions ug guidelines sa pag tangtang na sa mandatory nga pagsul-ob sa face mask.
Gikonpirma ni Rama nga nakigtagbo kini sa mga opisyal sa City government sa nahisgutang lakang.
Sa ilang bahin, ang dakbayan sa Mandaue nagplano sab nga mapatuman ang samang tinguha sa Sugbo ug Lapu-Lapu nga dili na obligatory ang pagsul-ob ug face mask.
Si Cortes dakong pabor nga nga illibkas na ang nahisgutang palisiya diha sa mga open spaces.
Bout ni Cortes nga ang mga sakop sa Sangguniang Panglungsod maoy mopalabang ug ug bag-on ordinansa mahitungod sa nahisgutang lakang.
Unang gipatuman sa probinsya sa Sugbo ang pagtangtang sa mandatory nga pagsul-ob sa face mask sa open spaces.
Ang pagsul-ob ug face maoy usa sa mga primary measures nga gipatuman pagpakgang sa pagkatap sa COVID-19. (Jhon Tadlip)
(News & photo courtesy of Cebu City and Lapu- Lapu City PIO)