Wala nay kinabuhi nga niabot sa tambalanan ang usa ka drayber sa traysikol human na dasmag ang gimaniho nga traysikol sa mga nagpundo nga graba sa karsada.
Didto kini nahitabo sa Sitio Labangon, Barangay Tulic, lungsod sa Argao, probinsya sa Sugbo, pasado alas 8:45 sa niaging gabii.
Ang biktima giila sa Argao Police Station na mao si Eduardo Landongan, 62 anyos ang panuigon, residenti sa Upper Candabong, Barangay Binlod , sa mao ra nga lungsod.
Sa imbestigasyon sa Argao Police Station nasayran nga samtang nagbiyahi ang biktima sa naasoy nga lugar wala kini ka bantay nga adunay mga graba sa karsada na iyang na dasmagan.
Tungod kay walay early warning device ang mga nagpundo nga graba nadasmagan kini ni Landongan og nalagpot siya sa gahi nga parti sa karsada nga nabunal ang iyang ulo na maoy hinungdan sa iyang kamatayon.
Ang kapulisan padayon nag imbestigar sa maong aksidenti aron manubag ang responsabli niini nga nikalas og kinabuhi. (Renante Lada and Ting Joe Pepito)