Usa ka call center agent ang naangol human na aksidente ang gimaniho nga SUV sa nasudnong dalan sa Barangay Langtad, Dakbayan sa Naga, Cebu, niadtong Huwebes, Disyembre 5, 2024.
Ang drayber mao si April Rose Chavez, 41 anyos, nga residente sa Casa Mira Subdivision, Barangay Langtad.
Base sa imbestigasyon sa Traffic Enforcement Unit sa Naga City Police Station, gikan siya sa trabaho ug gikapoy, hinungdan nga naka-tulog samtang nagmaneho sa iyang SUV.
Ang aksidente nahitabo sa dihang ang SUV ni Chavez nidaro sa mga nakaparada nga bongo, motor, multicab, ug bike.
Si Police Staff Sergeant Margarito Canceran, ang imbestigador, nagkanayon nga si Chavez gidala una sa tambalanan aron mahatagan og atensyon medikal ug dayon gibalhin sa estasyon sa kapulisan aron manubag sa iyang nabuhat.
Ang kapulisan nag andam na kini og kaso nga reckless imprudence resulting in multiple damage to property. (Renante Socia Lada)