Upat ka mga bata ang na-rescue human nagpabilin sa usa ka panimalay sulod sa hapit 24 ka oras gikan sa alas 8 sa buntag niadtong nakalabay nga adlaw.
Ang edad sa mga bata 6-anyos, 4-anyos, ug duha ka 2-anyos. Ang mga bata gi-padlock sa sulod sa panimalay ug wala’y pagkaon niadtong panahona, nga nagresulta sa ilang tumang kagutom.
Ang mga barangay officials, ang CSWDO (City Social Welfare and Development Office) nga gipangulohan ni Konsehal Mark Estardo, ug mga kapulisan sa Station 4 sa LCPO maoy ni rescue sa mga bata. Ang mga social workers ug focal person on children, Buenafe Remocaldo, aktibo usab sa pagtabang sa mga bata.
Pagkahuman sa ilang pag-rescue, giatiman sila sa CSWDO ug gipakaon aron mahatagan sila og mga panginahanglanon ug masiguro nga dili na nila masinati ang sama nga kalisud. Ang mga bata karon naa na sa maayong kamot ug ang mga otoridad nagpadayon sa pag-atiman sa ilang kaayohan. (Renante Socia Lada)