CEBU: TOP 7 MUNICIPAL MOST WANTED PERSON NADAKPAN SA KALUNASAN, CEBU CITY

Nadakpan sa kapulisan ang usa ka lalaki nga giila nga Top 7 Municipal Most Wanted Person atol sa warrant service operation nga gihimo sa Tracker Team sa Police Station 10 sa hapon sa Agosto 6, 2026 sa Barangay Kalunasan, Cebu City.
Ang suspetsado gidakop pinaagi sa New E-Warrant System tungod sa kasong paglapas sa Section 11, Article II sa Republic Act 9165 o Comprehensive Dangerous Drugs Act of 2002. Ang warrant of arrest gi-isyu sa Regional Trial Court, Branch 18 sa Cebu City niadtong Agosto 5, 2026 alang sa pagpatuman sa iyang sentensya.
Matod sa Cebu City Police Office (CCPO), ang maong operasyon kabahin sa padayon nga kampanya batok sa mga wanted person aron masiguro nga matubag ang hustisya ug mapatuman ang balaod.
Mipasalig usab ang CCPO ubos sa pagpanguna ni Acting City Director PCOL Ricky C. Sumalde nga ipadayon ang ilang manhunt operations aron madakpan ang uban pang mga pugante ug mapadayon ang kalinaw ug kaluwasan sa Cebu City.
📸 CCPO
I via Renante Socia Lada