Nadakpan sa kapulisan sa Inayawan Police Station (Police Station 7) ang usa ka Top 5 Regional Most Wanted Person atol sa operasyon nga gihimo sa buntag sa Agosto 6, 2026 sa Barangay Maghaway, Talisay City, Cebu.
Ang operasyon gipangulohan ni PCPT Troy John A. Lalamunan, Officer-in-Charge sa Police Station 7. Gidakop ang suspetsado pinaagi sa Warrant of Arrest alang sa kasong Murder nga gi-isyu sa Regional Trial Court Branch 18 sa Cebu City niadtong Hulyo 24, 2025. Wala usab gitugotan og piyansa ang maong kaso.
Matod sa Cebu City Police Office (CCPO), kabahin kini sa ilang padayon nga kampanya batok sa mga wanted person aron mapatuman ang mga mando sa korte ug manubag ang mga adunay kaso.
Gipasiugda usab ni Acting City Director PCOL Ricky C. Sumalde nga magpadayon ang CCPO sa pagdakop sa mga wanted person aron mapalig-on ang kalinaw, kahapsay, ug kaluwasan sa komunidad.
📸 CCPO
I via Renante Socia Lada
Home Provincial News DYKC Cebu News CEBU: TOP 5 REGIONAL MOST WANTED SA KASO SA PAGPATAY, NADAKPAN SA...