Nadakpan sa mga pulis sa Police Station 1 sa CCPO, ang usa ka Top 2 Municipal Most Wanted Person atol sa operasyon sa pagsilbi sa warrant of arrest sa hapon sa Agosto 6, 2026 sa Barangay Day-as, Cebu City.
Ang operasyon gipangulohan ni PMAJ Jade Campo Sumugat. Ang suspetsado giatubang og kaso sa paglapas sa Section 11, Article II sa Republic Act 9165 o Comprehensive Dangerous Drugs Act of 2002. Ang warrant sa pagdakop gi-isyu sa Regional Trial Court Branch 18 sa Cebu City niadtong Agosto 5, 2026 alang sa pagpatuman sa iyang sentensya.
Human sa pagdakop, gidala ang suspetsado sa Police Station 1 ug temporaryong gipabilin sa custodial facility sa estasyon samtang gihulat ang iyang pormal nga pag-atubang sa korte nga nagpagawas sa warrant.
Matod sa Cebu City Police Office ubos sa pagpangulo ni Acting City Director PCOL Ricky C. Sumalde, magpadayon ang ilang kampanya batok sa mga wanted person aron masiguro nga maatubang sa hustisya ang mga naglikay sa balaod.
📸 CCPO
I via Renante Socia Lada