Malampuson nga nadakpan sa kapulisan ang usa ka 30-anyos nga lalaki, ulitawo ug residente sa Barangay Capitol Site, human kini matumbok isip Top 5 Most Wanted Person (MWP) sa Sugbo.
Nadakpan ang suspetsado sa iyang kaugalingong panimalay sa Barangay Capitol Site sa operasyon nga gipasiugdahan sa Abellana Police Station 2 ubos sa pagdumala ni PMaj.
Mark Eric C. Papong niadtong Pebrero 18, 2025. Ang pag-aresto gibase sa warrant of arrest nga giisyu sa RTC 7th Judicial Region, Branch 7, Cebu City niadtong Pebrero 3, 2025, alang sa kaso nga rape. Walay pyansa nga girekomendar alang sa akusado.
Ang Cebu City Police Office (CCPO) nagpasalamat sa publiko sa ilang suporta ug kooperasyon sa kapulisan sa padayon nga kampanya batok kriminalidad.
Samtang, gipasiugda sa kapulisan nga ang ilang walay-pag-undang nga operasyon batok sa mga Most Wanted Persons ug kriminalidad usa ka timaan sa ilang komitment sa paghatag og hustisya ug kahapsay sa komunidad.
Giawhag usab ang katawhan nga magpabiling mabinantayon ug makigtambayayong sa mga awtoridad pinaagi sa tukma nga impormasyon nga makatabang sa pagsulbad sa mga kaso.
Source: CCPO
I via Renante Socia Lada