Nadakpan sa kapulisan ang usa ka Top 3 Most Wanted Person sa municipal level tungod sa kasong attempted murder sa Cebu City.
Ang pagdakop gihimo sa mga operatiba sa Guadalupe Police Station 9 sa Cebu City Police Office kagahapon Marso 13, 2026, alas 3:05 sa hapon sa V. Rama Avenue, Barangay Guadalupe.
Ang operasyon gipangulohan ni PCPT Venstine Ponce Bontilao, OIC sa estasyon. Nadakpan ang suspek base sa warrant of arrest nga gi-isyu niadtong Enero 6, 2026 sa Regional Trial Court Branch 14 Cebu City alang sa kasong attempted murder. Ang korte nagtakda og piyansa nga ₱120,000 alang sa temporaryong kagawasan sa akusado.
Sa pagdakop kaniya, gipahibalo ang suspek sa rason sa iyang pagsikop ug sa iyang mga katungod subay sa balaod.
Sumala sa Cebu City Police Office, magpadayon ang ilang operasyon aron madakpan ang mga wanted person ug mapaatubang sila sa hustisya.
Source: CCPO
I via Renante Socia Lada