Gipakusgan sa Cebu City Police Office (CCPO) ang kaandam sa mga eskwelahan atol sa School Safety and Crisis Response Orientation nga gihimo kagahapon Agosto 7, 2026 sa PAREF Springdale School for Boys sa J. Solon Drive, Lahug, Cebu City.
Gitudloan ang mga faculty ug staff bahin sa school security protocols, pag-atubang sa aktibong pagpamusil, suicide prevention ug awareness, Safe Spaces Act, basic self-defense, ingon man pagresponde sa bomb threat.
Gipangulohan ang mga diskusyon ni PMAJ Marvin B. Fegarido sa Community Affairs and Development Unit, PLT Rosalina Manila sa Women and Children Protection Desk, Pat Jude Velayo sa CCPO SWAT, ug PMSg Julius Ilagan sa Regional Explosives and Canine Unit 7.
Pinaagi niini nga programa, gitabangan sa CCPO ang mga magtutudlo ug school personnel nga mahimong mas andam ug alerto sa panahon sa emerhensya. Tumong niini nga mapalig-on ang seguridad sa mga eskwelahan ug masiguro ang kaluwasan sa mga estudyante ug sa tibuok school community.
📸 CCPO
I via Renante Socia Lada