Nadakpan sa kapulisan ang usa ka Top 2 Most Wanted Person sa lungsod sa Dalaguete niadtong Marso 25, 2026.
Sumala sa Dalaguete Municipal Police Station, gidakop ang suspek nga giila lang sa angga nga “Dodoy,” 26 anyos, ulitawo ug residente sa Barangay Manlapay, sa maing lungsod.
Giserbisyohan siya og warrant of arrest tungod sa kasong sexual assault ubos sa Republic Act 7610, balaod nga nanalipod sa mga bata batok sa abuso. Gitakda sa korte ang piyansa nga ₱200,000 alang sa iyang temporaryong kagawasan.
Base sa imbestigasyon, giingong nakabuhat ang suspek og pag-abuso batok sa usa ka menor de edad nga lalaki, hinungdan nga nasang-at ang kaso batok kaniya uban sa tabang sa kapulisan.
Gipasabot ni PCOL. Abubakar Udang Mangelen Jr. nga padayon ang ilang kampanya aron maprotektahan ang mga bata ug mapatubag ang mga nakalapas sa balaod.
Giawhag usab sa kapulisan ang publiko nga mosumbong dayon kung adunay kahibalo sa bisan unsang matang sa abuso aron mapanalipdan ang komunidad.
Source: CPPO
I via Renante Socia Lada