Nasikop ang usa ka 28-anyos nga lalaki atol sa usa ka hiniusang operasyon sa Sawang Calero Police Station 6, CIDG 7 ug Lapu-Lapu City Field Unit niadtong Nobyembre 25, 2025, didto sa Barangay Kalunasan, Cebu City. Ang suspetsado giingong nalambigit sa pagbaligya ug paghupot og pinadiling drogas ubos sa RA 9165, nga gipangulohan ni PCPT Giann Karlo M. Reyes, hepe sa estasyon.
Gipahibalo sa kapulisan nga ang maong lalaki dunay laing kaso ug kasamtangang gitanggong sa Cebu City Jail human giila kini nga Top 10 Most Wanted Person Provincial Level. Ang warrant sa iyang pagdakop gi-isyu sa RTC Branch 57, Cebu City niadtong Setyembre 26, 2025. Gipasabot usab kaniya ang iyang legal nga katungod samtang nagpaabot sa dugang legal nga proseso.
Si PCOL George V. Ylanan, Officer-in-Charge sa Cebu City Police Office, mipasidungog sa Sawang Calero Police tungod sa ilang padayong paningkamot sa pagdakop sa mga suspek nga dugay nang gipangita sa balaod. Gipasalamatan niya ang ilang dedikasyon sa pagsiguro sa kalinaw ug kahapsay sa dakbayan.
Gimandoan usab ni PCOL Ylanan ang tanang yunit sa kapulisan nga padayonon ang agresibong kampanya sa pagpangita ug pagdakop sa mga wanted persons aron mapalig-on ang seguridad ug kalinaw alang sa Cebu City.
Source: CCPO
I via Renante Socia Lada