Nasikop sa Carbon Police Station 5 ang usa ka 52-anyos nga lalaki nga nailhan sa alyas ‘Roger’ tungod sa kasong kalabutan sa pagbaligya ug paghupot og ginadiling drogas ubos sa RA 9165. Ang operasyon gipangulohan ni PMAJ Thom Ed L. Taghoy II, hepe sa estasyon, niadtong Nobyembre 25, 2025, didto sa Barangay Kalunasan, Cebu City.
Gipahibaw sa kapulisan nga ang akusado adunay laing kaso ug giila kini nga Top 10 Most Wanted Person (Provincial Level). Ang warrant sa iyang pagdakop gi-isyu sa RTC Branch 57, Cebu City, niadtong Setyembre 26, 2025. Gitunol usab kaniya ang iyang legal nga mga katungod samtang nagpaabot sa sunod nga legal nga proseso. Kasamtangan siyang gitanggong sa Cebu City Jail.
Si PCOL George V. Ylanan, Officer-in-Charge sa Cebu City Police Office, mipasidungog sa Carbon Police sa ilang padayon ug walay hunong nga pagpaningkamot sa pagdakop sa mga dugay nang gipangita sa balaod. Iyang gidateg ang ilang dedikasyon isip timailhan sa seryoso nga kampanya sa kapulisan batok kriminalidad.
Gimandoan usab ni PCOL Ylanan ang tanang yunit sa CCPO nga padayonon ang kusog nga kampanya sa pagdakop sa mga wanted persons aron mapadayon ang kalinaw, kahapsay, ug kalamboan sa dakbayan sa Sugbo alang sa tanan lumulupyo niini.
Source: CCPO
I via Renante Socia Lada