Numero unong wanted person sa Central Visayas patay sa armed confrontation human nakig-pinusilay batok sa Kapulisan
Kadlawon sa Oktobre 22, 2024, usa ka police operation ang gipatuman subay sa tumong sa pag-implementar sa pag serve sa walo ( 8 ka mga warrants ngadto sa Top 1 Most Wanted Person sa Central Visayas ang mi-resulta sa armed confrontation sa may Sitio Magkabayo, Barangay Capio-an, Argao, Cebu.
Ang operasyon kinsa gipanguluhan sa kapulisan sa Argao MPS nga gipangunahan ni PMAJ JANUS O GIANGAN, COP, uban ang suportang kusog gikan sa mga laing unit sa kapulisan sa CPPO ubos sa pagdumala ni PCOL PERCIVAL R ZORRILLA, PD, ang gipanaog sa tuyo nga pagdakop sa usa ka Numero Unong Most Wanted Person nga gi-ila sa pangalan nga Alyas “Santino o Boy Robinhood” og adunay nagkalain-lain nga mga namugnang krimen batok sa balaod. Pero malig-on kining nagdumili sa gipahigayon nga serving sa warrant og nagpa-ulan kanig bala sa mga kapulisan nga mi resulta sa armed confrontation.
Tungod sa nahitabong pinusilay, nakabaton og samad-pinusilan si “Alyas Santino o Robinhood” og dali kaning gidala sa Isidro C Kintanar Memorial Hospital (ICKMH) harun matambalan pero gi pronounced kini nga patay human gilantaw sa attending physician.
Lahi usab nga suspect nga gi-ilang cohort sa akusado ang nadakpan sa maong operation. Nakuha gikan sa iyang posisyon ang usa ka .45 caliber pistol with live ammunition.
Kanunay, ang safety sa atong kumunidad ang labing importanti sa tanan harun adunay hapsay og malinawon nga lugar kasuruyan ang atong katawhan. Ang mga operasyon nga gina-pahigayon sa kapulisan batok kriminalidad, nagapamatu-od nga ang Kapulisan kanunayng mulaban sa mga katawhan og makig-away sa mga dautan.
Source: ARGAO PNP
I via Renante Lada and Ting Joe Pepito