Human sa kapin 3 ka tuig nga pagpangita, nadakpan ang 56-anyos nga lalaki sa mga personalidad sa Guadalupe Police Station 9 ubos sa pagpanguna ni PCPT Venstine P. Bontilao ning Pebrero 18, 2026 sa Sitio Lanipao, Barangay Sapangdaku, Cebu City, base sa warrant of arrest alang sa kasong rape.
Ang akusado, nga giila nga Top 1 Most Wanted Person (Municipal Level), kasamtangang gipailalum sa kustodiya sa Guadalupe Police Station 9 samtang nagpaabot sa dugang legal nga proseso. Ang warrant gi-isyu sa Regional Trial Court (RTC) 7th Judicial Region, Branch 74, Cebu City niadtong Oktubre 17, 2022, nga walay girekomendar nga piyansa.
Gipahibalo usab ang akusado sa iyang legal nga katungod.
Gidayeg ni George V. Ylanan, Officer-in-Charge sa Cebu City Police Office, ang Guadalupe Police sa ilang dedikasyon ug walay hunong nga paningkamot sa pagpangita ug pagdakop sa mga wanted persons.
Gimandoan ni PCOL Ylanan ang tanang unit sa kapulisan nga padayon nga palig-onon ang kampanya batok sa kriminalidad ug sa pagpangita sa mga wanted persons aron masiguro ang malinawon ug mauswagong Cebu City alang sa tanan nga lumulupyo.
Ang kapulisan nagpadayon sa pag-awhag sa publiko nga magmatngon ug ipahibalo dayon sa pinakaduol nga police station ang bisan unsang kadudahang lihok o aktibidad aron mapadayon ang kaluwasan sa komunidad.
Source: CCPO
I via Renante Socia Lada
#rpndykccebu