Nakit-an na pasado alas 9:00 sa buntag Oktobre 25, 2024 ang usa ka tinun-an nga na missing atol sa Bagyong Kristine.
si Sean Clinton Pedroza, 15-anyos ang panuigon, taga Barangay Punta Engaño dakbayan sa Lapu-lapu, na missing sulod sa duha ka adlaw.
Nakit-an kini didto sa kadagatan sa Barangay Punta Engaño, sa mao ra nga siyudad nga wala nay kinabuhi.
Ang mga sakop sa PCG-7,Lapu-Lapu City Disaster Risk Reduction and Management Office maoy ni respondi sa maong panghitabo uban sa mga mananalom nga nitabang sa pagpangita.
Mahinumduman nga sa nakalabay nga adlaw nanglaag ang biktima uban sa iyang hinigugma sa maong lugar ug naligo sa dagat ang estudyanti nga gi anod sa kusog nga sulog sa dagat atol sa Bagyong Kristine. (Renante Lada)