Nagtingkagol karon sa prisuhan ang usa ka dalaga nga nanghulga nga bombahan ang Cebu Technological University (CTU) main campus sa MJ Cuenco Avenue, Cebu City.
Ang nasikop nga suspetsado naila nga mao si Althea Faith Bordario,19, taga Tawason, Mandaue City, kinsa 1st year college student sa maong unibersidad nga nagkuha sa kurso nga Early Childhood Education.
Amng mga sakop sa NBI Cybercrime Unit ug NBI Central Visayas Office (NBI CEVRO) human siya nasubay pinaagi sa cellphone number nga iyang gigamit dihang nihimo siya sa Facebook account nga John Steve.
Sa imbestigasyon sa mga otoridad nasayran nga ang suspetsado gidakop niadtong niaging adlaw apan kini nirason nga dunay nisugo niya nga tawo nga iyang nakaila sa online chat nga muhimo sa maong bomb threat.
Mahinomduman nga ang maong tunghaan nabalda ang klase gumigan sa maong pagpanghulga nga adunay bomba sulod sa maong tunghaan niadtong Oktobre 21, 2024.
Sa pgakakaron giandam na ang kasong kalapasan sa Presidential Decree No. 1727 (Bomb Joke/Threat Law). (Renante Lada)