Nagpabiling delikado sa landslide ang Transcentral Highway (TCH) sa Sugbo bisan pa sa gagmay apan kanunay nga pag-ulan, base sa mga hulagway nga nakuha sa Stills & Aerials niadtong Nobyembre 22, 2025. Nagpakita kini sa daghang huyang ug dili lig-on nga bahin sa bakilid nga posibleng moresulta sa pagdahili sa yuta ilabi na kung kusog ang ulan.
Ang mga litrato nagpasiugda sa klarong risgo alang sa mga motorista tungod sa nagkabusak ug nagluag nga estruktura sa yuta sa kilid sa dalan. Gumikan niini, gi-awhag ang mga drayber nga magdoble sa pag-amping ug magpadayon sa hinay ug maampingong pagmaneho, labi na kon mag-uwan o magtaligsik.
Ang pahimangno gipagula samtang andam ang probinsya sa dugang kusog nga pag-ulan nga dala sa Tropical Depression Verbena, nga posibleng mosangpot sa paglihok sa yuta ug pagdugang sa peligro sa mga dapit nga bukiron.
Padayon nga gimonitor sa mga otoridad ang kahimtang sa TCH aron masiguro ang kaluwasan sa mga motorista ug malikayan ang aksidente.
I via Renante Socia Lada