Nasikop ang 54 anyos nga lalaki, giila sa alyas ‘KA RUDY’ human gidakop sa mga personalidad sa joint operation sa Guadalupe Police Station 9, RID-RSOU5, Cebu PIT, RIU-7, PIU Masbate PPO, 1st and 2nd PMFC, Masbate PPO, 502nd MC RMFB-5 supported by 96 MICO, 96IB, 9ID, Charlie Coy PA, ug RPSU-7 sa kasong 2 Counts of Murder with no bail recommended, Multiple Attempted Murder nga adunay ₱120,000 pyansa nga gi rekomindar, ug kaso nga Arson pinasikad sa Warrant of Arrest niadtong Enero 13, 2026, didto sa Forest Hills Banawa sakop sa Brgy. Guadalupe, ning dakbayan sa sugbo.
Ang maong akusado gi tag isip Top 1 Most Wanted Person sa Central Visayas Region. Ang maong akusado gipahibalo sa iyang legal nga katungod ug kasamtangan nagpabilin sa kustodiya sa RSOU-5, PRO 5.
Si PCOL GEORGE V YLANAN, ang Officer-in-Charge sa Cebu City Police Office, mapasigarbuhong midayeg sa mga sakop sa Guadalupe Pulis sa ilang walay hunong nga paningkamot ug dedikasyon sa ilang trabaho.
Iyang gimandoan ang tanang unit sa kapulisan nga padayon pang palig-unon ang kampanya sa pagpangita ug pagdakop sa mga wanted persons aron masiguro ang mas malinawon ug mauswagong dakbayan sa Sugbo alang sa tanan niining mga lumulupyo.
Source: CCPO
I via Renante Socia Lada