Gipanghatag na sa lokal nga kagamhanan sa siyudad sa Toledo ang 25 kilos nga bugas sa gatosan ka pamilya gikan sa Brgy. Poblacion karong adlawa, Miyerkules, Disyembre 10, 2025.
Ang City Social Welfare and Development Office (CSWDO) maoy nag-apod-apod sa bugas ngadto sa mga benepisyaryo sa nagkalain-laing distribution areas sama sa Barba Sports Complex, Days Hotel, City Agricultural Services Office, ug Poloyapoy Street.
Gituohan nga kini nga ayuda makatabang sa mga residente nga makabangon gikan sa grabeng kadaot nga gidala sa miaging mga bagyo, diin daghang pamilya ang naapektuhan ug nanginahanglan og suporta.
Kini pa lamang ang unang hugna sa pagpanghatag ug magpadayon ang distribusyon sa bugas hangtod Disyembre 20, 2025 aron mas daghang pamilya ang matabangan.
Source: Toledo City PIO
I via Renante Socia Lada