Davao de Oro — Dayon nga rumesponde ang MDRRMO-Mawab Quick Response Team, kauban ang BFP ug PNP, sa aksidente nga nahitabo sa National Highway, Km. 69, Barangay Tuboran, Mawab, Davao de Oro, bandang alas-3:35 sa hapon niadtong Huwebes, Disyembre 11, 2025.
Sumala sa inisyal nga report sa MDRRMO-Mawab, ang fuel tanker sa Provincial Engineering Office (PEO) nga gikan sa Pantukan, Davao de Oro ug padulong sa Munisipalidad sa Nabunturan, nawagtang og kontrol sa driver pag-abot sa maong dapit. Una nga mibangga ang tanker sa center island sa highway sa wala madugay milahos kini sa usa ka payag.
Walay na-report nga nasamdan o namatay sa insidente. Dayon nga nakig-coordinate ang MDRRMO-Mawab sa PEO Davao de Oro aron masiguro nga makontrol ug mabalik ang tanker.(Camille Santos Naraga)(Source: Contributed)