Nagpulong ang Cebu League of Local Youth Development Officers (LLYDO) niadtong Miyerkules, Disyembre 10, 2025, sa Capitol Conference Hall alang sa ilang year-end planning meeting. Gipangulohan kini ni Marven Cabahug Gorgonio, Piso Consultant on Youth Affairs to the Governor, ug ni Mikee Pepito-Empaces, Provincial Focal Person on Youth.
Nagkatigum ang mga youth leaders gikan sa lain-laing lungsod ug siyudad sa Cebu aron susihon ang ilang mga nahimo karong tuiga, ilhon ang mga hagit, ug maghimo og klarong direksyon para sa mas lig-on nga youth programs ug palisiya sa 2026 ug umaabot nga mga tuig.
Gipasiugda ni Gorgonio ang importansya sa pagpalig-on sa mga lokal nga youth development offices aron mahimong mas motubag sa nag-usab-usab nga panginahanglan sa kabatan-onang Sugbuanon. Lakip niini ang leadership development, edukasyon ug skills training, mental health support, ug pag-apil sa komunidad.
Giduso niya nga ang grupo mogamit og bag-ong paagi nga masulbad ang problema pinaagi sa data, inobasyon, ug mga programa nga nakabase sa tinuod nga sitwasyon sa komunidad aron mas masuta ang epekto niini.
Gidayeg usab niya ang kaimportante sa lig-on nga kooperasyon tali sa LGUs, youth organizations, ug provincial agencies aron masiguro ang padayon, malinawong, ug magkahiusang kalamboan para sa kabatan-onan.
Source: Cebu Province PIO
I via Renante Socia Lada
Renante