Gipasidunggan ang Dakbayan sa Mandaue isip Global Self-Reliant City tungod sa iyang lig-on nga liderato ug epektibong mga programa sa Family Planning ug Adolescent Sexual and Reproductive Health.
Ang maong pasidungog gihatag sa The Challenge Initiative, nga nag-ila sa Mandaue City sa pagpakita og maayo nga serbisyo ug edukasyon alang sa kabatan-onan ug mga pamilya, aron makab-ot ang usa ka komunidad nga lig-on, andam sa hagit, ug sustainable.
Nanguna ang Mandaue sa mga inisyatiba nga nagtudlo sa mga batan-on ug ginikanan sa kahimsog sa lawas, responsible nga pagpangandam sa pamilya, ug pagpalig-on sa kaugalingong kapasidad sa komunidad.
Ang kalampusan sa syudad bunga sa tinabangay sa Mandaue City Health Office, Department of Education, City Social Welfare Services, Mandaue City Youth Development Office, Purok Federation, ug Zuelig Family Foundation.
Dako kini nga dungog para sa Mandaue isip modelo sa maayong liderato ug serbisyo publiko.
Source: Mandaue City PIO
I via Renante Socia Lada
#rpndykccebu
#675hzamband