Mibalik na sa normal ang operasyon sa mga transmission line sa Visayas grid sugod alas-6 sa buntag, Huwebes, Oktubre 2, 2025, sumala sa pamahayag sa National Grid Corporation of the Philippines (NGCP). Kini human sa kusog nga magnitude 6.9 nga linog nga miigo sa Cebu niadtong Martes sa gabii, Setyembre 30.
Bisan pa man, nagpabilin nga dili pa naayo ang 169MW Therma Visayas Inc. 1, nga usa sa mga planta sa kuryente nga naapektuhan tungod sa maong linog.
Samtang ang ubang bahin nakabalik na sa normal, adunay tulo ka transmission line nga nagpabilin nga offline: ang Daanbantayan-Tabango 230KV Lines 1 ug 2, Daanbantayan-Compostela 230KV Line 1, ug ang Leyte-Luzon 350kV HVDC Line.
Padayon ang monitoring sa NGCP ug mga ahensya sa enerhiya aron masiguro nga makabalik sa hingpit nga normal ang suplay sa kuryente ug malikayan ang dugang kadaut o pagkawala sa serbisyo.
Source: NGCP
I via Renante Socia Lada
#rpndykccebu