Dili pa maagian ug mga sakyanan ang dalan padulong sa Sitio Telepono, Barangay Manipis human kini matabonan sa dakong pagdahili sa yuta ug dagkong bato.
Matod sa City of Talisay Traffic Operations and Development Authority, kapin sa 10 ka dumptruck ang gidaghanon sa midahili nga yuta ug bato nga mitabon sa kalsada. Tungod niini, naputol ang dalan ug lisod na ang agianan sa mga sakyanan.
Sa pagkakaron, ngitngit pa ang lugar ug padayon pa nga ginasusi sa mga awtoridad ang kahimtang aron masiguro ang kaluwasan sa mga molabay nga tawo ug sakyanan.
Girekomendar nga likayan una ang maong dapit hangtod nga mahinluan ug mahimong luwas ang dalan.
Source: CT-TODA
I via Renante Socia Lada