Ang Talisay City Police malampusong nagpatuman sa usa ka search warrant tungod sa paglapas sa RA 10591 (Comprehensive Firearms and Ammunition Regulation Act) niadtong Enero 24, 2026 sa Purok Kolis, Barangay Candulawan, Talisay City, Cebu.
Ang operasyon gihimo sa balay sa lalaki nga nailhan sa alyas nga “Bakang”, usa ka habal-habal driver ug residente sa maong lugar.
Sa search, nakuha sa kapulisan ang usa ka .38 caliber revolver nga walay serial number ug tulo ka live ammunition para sa maong armas. Gisiguro sa kapulisan nga ang operasyon legal ug transparent pinaagi sa presensya sa subject ug sa usa ka elected barangay official sa maong lugar.
Ang mga nakuha nga armas ug bala gi-inventory ug documented dayon sa site ug karon anaa na sa custody sa kapulisan alang sa angay nga legal nga aksyon ug case build-up.
Kini usa ka lakang aron mapugngan ang pagdaghan sa illegal firearms sa komunidad.
Gidayeg ni Provincial Director PCOL Abubakar Udang Mangelen Jr. ang mga personnel sa operasyon. Giingon niya nga ang malampusong pagpatuman sa search warrant nagpamatuod sa determinasyon sa kapulisan sa pagpugong sa kriminalidad ug pagpangga sa kaluwasan sa katawhan.
Ang Talisay City Police nagpadayon sa ilang kampanya batok sa illegal firearms ug nag-awhag sa publiko nga suportahan ang mga polisiya ug operasyon sa kapulisan aron masiguro ang kaluwasan ug katawhan sa Cebu.
Source: CPPO
I via Renante Socia Lada