Gituki sa City Government sa Dipolog ug sa Department of Agriculture–Philippine Coconut Authority (DA–PCA) Regional Office IX ang posibleng partnership alang sa health services sa mga mag-uuma sa lubi, atol sa usa ka meeting sa City Mayor’s Office kaniadtong Enero 27, 2026.
Gipangunahan ang diskusyon ni City Mayor Roberto Y. Uy uban sa mga opisyal sa DA–PCA IX, lakip si Regional Manager Bihildis A. Quezon. Taliwala sa agenda ang mga umaabot nga programa, ilabi na ang pakigtambayayong sa lokal nga mga ospital aron mas duol ug mas accessible ang serbisyong panglawas sa mga coconut farmers sa siyudad.
Mitambong usab ang mga representante sa DA–PCA IX, PCA Zamboanga del Norte Provincial Office, ug mga opisyal sa city government, lakip ang City Administrator ug City Agriculturist.(IKEN B. GULLEM)
Source: Dipolog City Government