Si Presidente Ferdinand R. Marcos Jr. mismo ang nangulo sa paglusad sa iyang flagship program nga “Benteng Bigas, Meron Na” didto sa Bien Unido, Bohol, Biyernes, Sept. 5, 2025. Pinaagi niini, makapalit na ang katawhan ug bugas nga tag ₱20 kada kilo, ilabi na ang mga kabus ug mas nanginahanglan.
Ang programa gipangulohan sa Department of Agriculture (DA) ug tuyo nga makahatag ug barato nga pagkaon sa matag panimalay nga Pilipino. Sa unang rollout, gibanabana nga kapin sa 2,700 ka residente ang makapahimulos niini, lakip na ang mga senior citizen, solo parent, PWDs, 4Ps beneficiaries, mag-uuma, mananagat, ug mga minimum wage earner.
Gipasiugda usab ni Presidente Marcos ang pagtunol sa mga gamit ug kagamitan pang-agrikultura ngadto sa mga lokal nga mag-uuma ug mananagat. Kini nagpakita sa tinguha sa administrasyon nga dili lang ang konsumo ang tabangan, kundili apil usab ang mga nagproduce sa pagkaon.
Matod sa DA, ang ₱20/kilo nga bugas usa ka dakong lakang aron masiguro nga naay barato ug nutrisyong pagkaon ang matag Pilipino.
Ang kalihukan sa Bien Unido nagtimaan sa sinugdanan sa mas dagkong rollout sa ubang dapit sa nasud aron mas daghan pa ang makabenepisyo sa maong programa.
📸 PCO
I via Renante Socia Lada