Cebu: Tag P30K mil gipang apod-apod sa mga scholar sa siyudad sa Toledo

Dako ang kalipay ug kasadya sa tanang scholar sa siyudad sa Toledo human sila nakadawat og tag P30 mil gikan sa lokal na kagamhanan.

Kagahapong adlawa, Desyembre 20, 2023, didto sa siyudad sa Toledo gidugok og mga tinun-an na mudawat sa tag P30 mil.

Ubos kini sa pagdumala sa mga representati sa Toledo City Scholarship Commission, diin ang mga nagkalaing-laing mga scholar na nagagikan sa nagkadaiyang tunghaan nakadawat sa ilang cash assistance.

Ang 20k mil niini gamiton para sa tuition fee sa mga scholars samtang ang 10k mil itagana alang sa ilang allowance para sa first semester, school year 2023-2024.

Naglaum si Toledo City Mayor Marjorie Perales na ang maong cash assistance makatabang sa mga tinun-an aron makalampus sa ilang pagtoon ug dugang kadasig panahon sa kalisdanan.

(Renante Socia Lada, photo courtesy of Toledo City PIO)