Cebu City- Gilantaw sa Cebu City government ang pagpa usbaw sa buhis, pagpangita ug bag-ong revenue sources pag address sa cash deficit sa syudad.
Nahurot hurot gyud ang cash on hand sa Cebu City Hall sa dihang mi assume sa office si Mayor Michael Rama niadtong Hulyo 1, 2022.
As of June 30, ang syudad dunay total nga P4.54 billion apan ang nahisgutang kantidad gilhugway nga “tied’ o gi budgeted na alang sa maong tuig.
Kini ang gipahibaw ni Atty Collin Rossel, Secretary ni Mayor Michael Rama ug membro sa Local Finance Committee (LFC).
Gipahibaw ni Rosell sa press conference, Lunes sa hapon, nga ang nahibilin sa syudad dili igo maka bayad sa payables sa tuig nga karon miabot ug P5.04 billion.
“Sa diretso nga istorya, wala’y libre nga kwarta nga magamit,” pamahayag ni Rossel human sa press conference.
Giangkon ni Rossel nga duna karoy dakong challenge ang syudad paghimo ug additional revenues ug pag identify ug bag-ong revenue sources pagsiguro nga pabilin nga dili mapakgang ang paghatag sa mga basic services sa Sugboanon.
Ang pagka kuwang ug pundo sa syudad gipanglantawan nga mahimong “huge roadblock” sa administrasyon ni Rama nga nag ambisyon sa Syudad sa Sugbo nga mahinong sama sa Singapore.
Umento sa Buhis
Gitug-an ni Rossel nga ang LFC, naglantaw sa posibilidad sa pagpa umento, labi na sa real property taxes (RPT),business taxes, fees, ug ubang levies pag kab-ot sa gikinahanglan kaayo nga cash sa syudad.
“Ang atong tax rates, karaan kaayo. Supposedly, we should increase every three years,” matod ni City Treasurer Mare Vae Reyes.
Sigon pa ni Reyes nga niadto pang 2003 ang katapusang update sa syudad sa ilang tax rates.
Ang LFC nga dunay rekomendasyon pag revisit sa kasamtangan nga mga ordinansa sa pag release sa dole outs pag identify ug cost-saving measures, pag review sa kasamtangan nga kontrata ug joint venture agreements nga gisudlan sa syudad.
Gisugyut sab sa LFC ang pag tan aw sa list of propertes pagsuta kung dunay bay mamahinong mapa abangan o mabaligya.
Duna pay ubang mga rekomendasyon ang LFC alang sa maong katuyuan.
Cash Deficit
Nagkanayon si Reyes ang financial concerns sa syudad resulta sa daghang mga factors, usa na niini ang pag igo sa COVID-19 pandemic, nga maoy hinungdan sa pag hunong sa operation sa daghang mga negosyo.
Dugang niini, naka gasto sab ug dako ang syudad tipik sa paningkamot nga ma address ang ill-effects sa COVID-19.
Basi sa Public Information Office (PIO) ang expenses sa syudad misaka gikan sa abot ug P7.22 billion sa stuig 2019 ngadto sa P10 billion sa tuig 2020 ug 2021.
Sa tuig 2021, ang Ciity Hall naka kolekta ug P7.36 billion sa revenues apan ang expenses miabot ug P10.27. Pag tuig 2020, naka kolekta ang syudad ug P8.73 billion apan ang expenses mokabat ug P10.38 billion.
Gipasabot ni Rossel nga bisan ang revenues nga na raised gikan sa sales sa mga yuta sa South Road Properties (SRP) na “depleted” sa unang quarter sa 2021.
l via Jhon Tadlip
Source/Photo: Local Finance Committee-Cebu City, Public Information Office