Cebu City – Gi-aprobahan na sa Mandaue City Council ang rekomendasyon sa Disaster Risk Reduction and Management Council nga ipa ubos ang syudad sa state of calamity atol sa ilang regular session, Lunes, Septembre 12, 2022.
Kini human sa grabeng pag bunok sa uwan nga mi resulta sa pagsaka sa tubig ug pag baha niadtong Biyernes, Septembre 9, nga naka apekta sa 11 sa 27 ka mga barangay.
Mokabat sa 2,000 ka mga indibidwal ang nang bakwit sa maong insidente.
Basi kini sa data gikan sa City Social Welfare and Development Services.
Dunay 23 ka mga pamilya gikan sa Barangay Casuntingan ug Tingub, kansang mga paminalay ang na wiped out sa baha ang gikatakdang ibalhin ngadto sa daang North Bus Terminal sa Barangay Subangdaku. Gipahibaw ni Camelo Basaca Jr., pangu sa City of Mandaue Social Services nga ang pag transfer temporary lang, samtang mangita ang City Government ug permamente nga relocation ste.
Kahinumduman na atol sa pag baha niadtong Biyernes, ang viral ang lain-laing hulagway sa pipila ka mga barangay sa syudad nga apektado niini.
Lakip na niini ang pag rescue sa taga Mandaue City Fire Office ngadto sa walo ka sakop sa pamilya sa Barangay Umapad human nga nisugod na ug saka ang tubig sa ilang lugar gumikan sa pag bunok sa uwan.
Duna pay nakuhaan ug video sa balay nga nahimutang kilid sa sapa nga gi-anod niadtong higayuna. (Jhon Tadlip)
(Source: Mandaue City Public Information Office, photo courtesy of Mandaue City PIO, Mandaue City Fire Office)