Nadakpan sa kapulisan ang usa ka suspetsado sa kaso sa statutory rape atol sa operasyon sa Poro Municipal Police Station (MPS) Tracker Team niadtong hapon sa Setyembre 8, 2025 sa Barangay Esperanza, Poro, Cebu.
Ang operasyon gipangulohan ni PLT Francis Russue G. Salvid, Officer-in-Charge sa Poro MPS, pinaagi sa pag-implementar sa warrant of arrest nga giisyu ni Hon. Angeline T. Asdillo-Bascon, Assisting Judge sa RTC Branch 91, 7th Judicial Region, Danao City. Ang maong warrant giisyu pa kaniadtong Hunyo 30, 2025 ug adunay criminal case number DNO-17528. Wala kini girekomendar nga piyansa.
Ang suspetsado kasamtangang anaa na sa kustodiya sa Poro Police samtang naghulat sa pormal nga turnover ngadto sa korte.
Sumala sa kapulisan, kini nga kalampusan nagpamatuod sa ilang dedikasyon sa pagtuman sa mga legal nga mando ug sa paghatag hustisya alang sa komunidad.
Source: Poro MPS
I via Renante Socia Lada