Nadakpan sa Cebu City Police Office (CCPO) Police Station 6 ang usa sa mga suspetsado sa pagpamusil nga nahitabo sa Pasil, Cebu City niadtong Hulyo 4, 2026. Ang pagdakop nahimo pinaagi sa padayon nga imbestigasyon ug hot pursuit operation nga gipahigayon sa kapolisan.
Ubos sa pagpangulo ni PCPT Noah Labra Añana, nahitabo ang pagdakop sa suspetsado sa sayong buntag sa Hulyo 10, 2026 sa Ermita Proper, Barangay Ermita, Cebu City. Ang nadakpan usa ka residente usab sa maong lugar ug nag-atubang og kasong murder.
Padayon pa ang imbestigasyon sa Police Station 6 aron mailhan ug madakpan ang laing suspetsado nga nalambigit sa maong krimen. Nagpadayon usab ang kapolisan sa pagkolekta og dugang ebidensya aron masiguro nga mapriso ang tanang responsable.
Gipasalig sa CCPO nga dili sila mohunong hangtod madakpan ang tanan nga nalambigit sa insidente. Miingon usab ang kapolisan nga magpadayon sila sa propesyonal ug patas nga operasyon aron mapadayon ang kalinaw ug kahapsay sa Cebu City.
📸 CCPO
I via Renante Socia Lada