Nadakpan sa Cebu Police Provincial Office (CPPO) ang 436 ka suspetsado tungod sa paglapas sa mga lokal nga ordinansa atol sa mga operasyon nga gihimo sa tibuok lalawigan kagahapon Hulyo 10, 2026.
Sa maong gidaghanon, 319 ang gipamulta samtang 117 ang gipasidan-an ug gipagawas. Mokabat sa ₱115,100 ang kantidad sa mga multa nga nakolekta sa kapolisan.
Lakip sa mga paglapas ang pag-inom og ilimnong makahubog sa pampublikong lugar, pagpanigarilyo sa gidili nga lugar, pagsuroy nga walay sapot sa taas, paglapas sa curfew sa mga menor de edad, paggamit og karaoke lapas sa gitugot nga oras, ug lainlaing paglapas sa mga traffic ordinance.
Matod ni PBGEN Arnold Evangelista Abad, importante ang padayon nga pagpatuman sa mga ordinansa aron malikayan ang krimen ug mapadayon ang kalinaw. Si PCOL Abubakar Udang Mangelen Jr. usab miingon nga ipadayon sa CPPO ang ilang mga operasyon aron masiguro ang kaluwasan sa tanang Sugboanon.
📸 CPPO
I via Renante Socia Lada