Hilak ug pag bakho ang gibati sa mga ginikanan human naapil sa pagka sunog ang ilang mga anak. Nadawat sa kabomberohan sa siyudad sa Sugbo ang alarma sa sunog pasado alas 5: 51 kaganihang buntag, Nobyembre 23, 2023, didto sa Sitio Upper Capaculan, Barangay Tisa, dakbayan sa Sugbo.
Ang mga biktima nga nakalas nagpanuigon og 1 ka tuig, 7 ka tuig, 10 anyos ug 11 anyos. Ubay-ubay ka mga fire trucks ang ni respondi sa maong sunog na ilang napalong pasado alas 6:15 sa buntag. Nikabat sa 7 ka mga balay,10 ka mga pamilya ug 30 ka mga individuals ang na apiktuhan sa maong sunog.
Sa pagkakaron padayon ang gihimo nga inbestigasyon sa kabomberohan sa siyudad sa Sugbo kung unsay hinungdan sa maong sunog ug pila usab ang danyos niini.
(Renante Socia Lada, photo courtesy of Cebu City Fire Department)