Cebu: Sunog sa Barangay Carreta sa Siyudad sa Sugbo ni danyos og P4.5 Milyon

Nikabat sa P4.5 milyon ang danyos sa sunog na nahitabo didto sa Sitio Kalapukan, Barangay Carreta, siyudad sa Sugbo.

Pasado alas 9:23 kagabii, Enero 6, 2024, nadawat sa kabomberohan sa dakbayan sa Sugbo ang alarma sa sunog.

Gisaka kini ngadto sa ikatulo na alarma pagka 9:49 ug na fire-out pagka alas 10:58 sa gabii.

Sa pasiunang datus na nahipos nikabat ngadto sa 66 ka mga panimalay ang na sunog ug adunay 400 ka mga individual ang apiktado niini.

Nagpadayon karon ang gihimo na inbestigasyon sa kabomberohan aron pagsuta kung unsay hinungdan sa maong sunog.

(Renante Socia Lada, photo courtesy of Cebu City Fire Station)