Nasunog ang usa ka establisyemento sa Barangay Guizo, Mandaue City sayong buntag Miyerkules, Disyembre 10, 2025, nga miresulta sa paspas nga pagresponde sa mga bombero ug emergency units.
Matod ni Fire Officer 2 Mark Anthony Yagonia, fire investigator sa Mandaue City Fire Station, nagsugod ang kayo sa storage area sa usa ka building. Dako na ang kalayo pagdiskubre niini, timailhan nga misaka na kini pag-ayo sa wala pa masayri.
Nadawat ang first alarm ang mga bombero alas 7:10 sa buntag ug napasaka dayon sa second alarm pagkahuman sa upat ka minutos. Na-kontrolar ang kalayo alas 7:50 sa buntag ug nadeklara nga “fire out” alas 8:22.
Sa inisyal nga imbestigasyon, posible nga electrical conflict sa ground floor maoy hinungdan sa sunog.
Usa ka babaye ang naangol sa maong insidente. Siya diha sa ikatulong andana ug misulay pagluwas sa mfa ero ug sa iyang kaugalingon.
Ang stay-in employee nga si Eimeilee Maningo, nga nagtrabaho sa styrofoam factory nga naigo sa sunog, nakadani og pagdayeg gikan sa netizens human makita sa video nga nanglimbasog siya pag-ikyas gikan sa 3rd floor samtang nagkadako ang kalayo ug aso sa ubos.
Sa wala pa siya nawad-an og kusog, iyang gihulog una ang ilang mga binuhi nga iro padulong sa luwas nga lugar aron dili madamay sa sunog. Pagkahuman, misalig siya sa railings samtang naghulat sa fire ladder nga sakto ra gyud pag-abot kaniya.
Giila siya karon nga “bayani” sa iyang kaisog ug kadasig sa pagpanalipod sa iyang mga iro ug sa iyang kaugalingon nga kinabuhi.
I via Renante Socia Lada