Mitambong si Police Regional Office 7 (PRO7) Regional Director PBGen Redrico A. Maranan sa tigum sa Regional Peace and Order Council (RPOC) niadtong Disyembre 10, 2025 sa Cebu City aron palig-onon ang nagkahiusang preparasyon sa seguridad alang sa umaabot nga dagkong kalihokan.
Sa maong sesyon, gipakita ni PBGen Maranan ang pinakabag-ong kalampusan sa PRO7 bahin sa kalinaw ug kahapsay, lakip na ang mas gipakusgan nga anti-criminality operations, pagkunhod sa index crimes, ug padayon nga kadaugan batok iligal nga drogas ug iligal nga armas. Gipasiugda niya ang dakong papel sa panaghiusa sa tanang ahensya, ug miingon, “Our success in maintaining peace and order is a shared effort. We will continue to strengthen our coordination with all partner agencies to ensure that Central Visayas remains safe, secure, and resilient.”
Gisusi usab sa Konseho ang kahimtang sa seguridad sa rehiyon alang sa umaabot nga ASEAN Summit ug ang padayon nga paningkamot aron mapreserbar ang hapsay nga sitwasyon batok insurgency. Gipasiugda sa mga miyembro nga ahensya ang importansya sa panaghiusa ug andam nga operasyon aron masiguro ang malinawong pagdumala sa maong internasyonal nga kalihokan.
Gipadayag usab ni PBGen Maranan ang padayon nga komitment sa PRO7 sa pagmintenar sa kalinaw ug seguridad sa Central Visayas pinaagi sa lig-on nga pagpapatuman sa balaod ug padayon nga pakigtambayayong sa tanang peace and order stakeholders. Miingon siya, “We remain fully committed to safeguarding our region by ensuring that our security measures are consistent, coordinated, and responsive to any emerging challenges.”
Source: PRO7 PIO
I via Renante Socia Lada
