Usa ka 23-anyos nga sundalo sa Philippine Air Force ang namatay human nagpusil sa iyang kaugalingon sulod sa ilang kwarto sa Visayas Command (VISCOM) sa Barangay Apas, Cebu City.
Giila lang siya sa alyas nga “Kyle,” ulitawo ug lumad nga taga Barangay San Jose, Floridablanca, Pampanga. Siya nagpuyo sa Non-Commissioned Officers’ quarters nga naa sa likod sa St. Jude Thaddeus Chapel sa kampo.
Ang insidente nahitabo pasado alas 3:00 sa hapon niadtong Domingo, Mayo 25, 2025. Si TSGT Kinkito, nga naka-duty sa chapel, maoy nakadungog sa pusil ug dihang gisusi niya, iyang nakaplagan si Kyle nga nagkadugo ug nahigda sa ubos sa iyang higdaanan.
Segun sa imbestigasyon sa kapulisan ug sa PNP SOCO, gigamit ni Kyle ang iyang government-issued Glock 17 9mm pistol sa paghikog.
Gidala pa siya dayon sa ambulansya paingon sa Vicente Sotto Memorial Medical Center (VSMMC), apan gideklarar siyang Dead on Arrival (DOA).
Sa pagkakaron, ang kapulisan padayon sa ilang imbestigasyon aron masuta ang motibo sa maong krimin ug mahibaw-an kung wala bay foul play ang kamatayon sa sundalo.
I via Renante Socia Lada